TAURI VAKAVESU E LEWE 3 NA LEWE NI NODA MATAIVALU MAI GOLAN HEIGHTS

E ratou sa tauri vakavesu tiko ena gauna oqo mai vei ira na Tabana ni lawa mai Isireli e lewe 3 na lewe ni noda mataivalu,ni oti na kena kunei vei iratou na waigaga ni vakamatenitaki

O iratou nai lala oqo,e ratou a sasaga talega ena kena vakauti na waigaga oqo me takosova na border ka ratou na lako curuma.

E vakadeitaka na Komada ni Mataivalu o Major General Ro Jone Kalouniwai nai tukutuku oqo,ka tukuna ni ratou lesu tiko mai  na 3 na sotia oqo ena nodratou livi tu ki Joritani, ka ratou sa mai tauri vakavesu tu  ena noa.

E tukuna talega ni sa cakacaka vata tiko na vale ni volavola liu ni noda mataivalu kei ira na vakailesilesi mai Isireli ena nodratou raici na lewe 3 oqo me vaka ni tabu vakalawa na veika eratou mai vakayacora tu oqo.