Sauma lesu na veisusu vinaka mai vei Tata kei Nana.
Written by Atu Kurumudu on January 3, 2024
Siganisucu e gauna ni marau vei keda. Ena duatani sara na kena marautaki vei ira na wekada era marautaka talega kina na nodra siganisucu.
Kune votu ka sega ni vunia rawa na nona marau na Turaga Komai Lodoni ko Ratu Saimoni Koli ena nodra mai duavata na 7 na luvena , 24 na makubuna kei na 4 na makubuna vakarua ena kena mai marautaki na nona siganisucu.
Rau mai marautaka talega kina na kena mai cabeti na yabaki 52 ni nodrau bula vakamau kei na marama na watina. Sa dei na tikini siga kara sa vakasosolo na vuvale mera mai tiko ena soqo totoka ka guiguilecavi dredre oqo. Ratou mani duavata na vuvale me caka e dua na nodra fun day ni rau se bula tiko na qase. A vakayacori ga na soqo lagilagi oqo ena nona i tikotiko nei nodrau ulumatua e Uluiraua Settelment e Lodoni.
Era vagalalataki ira mai na cakacaka kara mai tiko donua na soqo talei oqo kara mai marautaka talega kina na tawase ni yabaki.
