SE CIQOMA TIKOGA NA NODA PRIME MINISTER NAI TUKUTUKU NI VAKANUINUI VINAKA MAI VEI IRA NAI VEI LIULIU NI MATANITU ENA NODA VURAVURA.

E se ciqoma tiko ga na noda Prime Minister ena gauna oqo,nai trukutuku ni vakanuinui vinaka ni nona veiliutaki ena noda vanua,ka ra vakauta tiko mai na vei liuliu ni veimatanitu lelevu ena noda vuravura.

E a vakauta mai na nona vakanuinui vinaka ki vua na noda Prime Minister,nai vukevuke ni Peresitedi ka Prime Minister talega  mai na  United Arab Emirates (UAE) ,o H.H. Sheikh Mohammed bin Rashid Al Maktoum, ka vakadeitaka talega mai na nona veitokoni ki na  noda matanitu.

O His Excellency General Prayut Chan-o-cha (Ret.),na Prime Minister ni Matanitu o Thailand, e sa vakauta talega mai na nona vakanuinui vinaka ki vei Rabuka ena vukudra na nona lewe ni vanua kei matanitu veiliutaki mai kea,ka vakaraitaka talega ni se dei tiko ga na veisemati ni matanitu e 2 ka sa via 50 vakacaca na yabaki oqo na kena balavu.

Na Peresitedi ni matanitu ko Turkey o  His Excellency Mr. Recep Tayyip Erdoğan,esa vakauta talega mai na nona vakanuinui vinaka,ka tukuna ni na saga me na vinaka cake mai, ka me vakaukauwataka na nodrau veisemati na matanitu e 2, ka vakabibi ena nona veiliutaki o Rabuka.

E bau vakauta talega na nona vakanuinui vinaka na Prime Minister mai Cook Isaland o Honourable Mark Brown,ka sa vakanuinui tu ni rau na semata e dua na veiwekani vinaka kei na noda Prime Minister,kei na matanitu.

Na Minister ni veika ni vanuatani mai Irani o Honourable Hossein Amir-Abdollahia,e vakauta talega mai na nona vakanuinui vinaka,ka sa nona masu me na vuavua vinaka na veiqaravi nei Rabuka,ka vakanuinui tu ni rau na laveta cake na i vakatagedegede ni veiwekani ni matanitu e 2.

VITIFM 92.2FM/92FM/92.6FM

VITIFM – E KAMICA QAI KACHI

SOURCE – FIJI GOVERMENT