SEGA GA NI DUA NA MACALA MAI NA TABANA NI VULI ME BALETI IRATOU NA 5 NA QASENIVULI MAI GAU
Written by Maria Solomone on October 26, 2022
E se sega ni dua na i rogo mai na Tabacakacaka ni Vuli me baleta na nodratou vakacegui na 5 na qasenivuli ena dua na koronivuli ena Secondary mai Gau ena vula qo.
Photo -fpo.gov.fj
E ratou vakaraitaka na qasenivuli ena dua nodratou i tukutuku ni mai vakacegui ratou na Tabacakacaka ni Vuli ena nodratou saga me ra vakavulici na gone e koronivuli ena i vakarau levu era vakayacora tiko e koronivuli ka sega ni vinaka.
Ratou kaya na qasenivuli ni sa qai toso cake ga na ca ni nodra i vakarau na gonevuli e koronivuli,e dua na gone e laurai vua na sore ni marrijuana,ka vica na gonevuli era dau lako tiko ena nodra nure na goneyalewa,era dau vosacataki ira tu na qasenivuli e matana levu,ka qai dau kacivaki tu yani me ra lesu na nodra koro.Vei ira na gone curu i bure ka tauvi ira tiko na COVID-19,era dau lako tani mai vakailoa ena vanua era tauri vakatikitiki tu kina,ka lako cake nodra bure na goneyalewa,vakavolavolai tu na lalaga ni nodra vale lailai ena vosa ca me baleti ira na qasenivuli,vaka kina na kena laurai tu na vokete gunu na home brew i na bure kei na nodra dau kana tavako na suki ena gauna ni vuli kei na loma ni bai ni koronivuli.
Eratou kaya tale na qasenivuli ni ratou tovolea me ra vakavulici na gone,e tolu ga na kedra i kuita sa lai ripotetaka sara o i tubutubu,ka ratou mani rairai kina ena mataveilewai.
Ia, na gauna e rogoca kina na mataveilewai na bibi ni veika era vakayacora na gonevuli qo,a mani vakasuka na kisi oya.
Vakau eso na taro mai na tabana ni tukutuku ni Vitifm,ki vua na Vunivola tudei ni Tabana ni Vuli o DR,Anjeela Jokhan,era qai vakaraitaka ni ra na sega ni tukuna e dua na ka me baleta na kisi qo.
Ivurevure:fijivillage.
