SEGA NI DUAVATA NA NODA PRIME MINISITA ENA 360,000 NA I LAVO ME NA VAKAYAGATAKI ENA NATIONAL ECONOMIC SUMMIT.
Written by Rosena Volavola on April 14, 2023
E vakaraitaka na Prime Minister ka Minister Vakatawa ni Lavo Sitiveni Rabuka ni sega ni dua vata o koya kei na 360,000 na dola na i lavo esa tuva-tuva taki mena vakayagataki ena cakacaka ni kena qaravi na rua na siga ni National Economic Summit, ka rawa vei ira na lewenivanua era gole yani mera na volia na kedra kakana kei na kalavata.
E na gauna e tarogi kina mai vei ratou na tabana ni Rogo, e vakamatata-taka o Rabuka ni dodonu vei iratou na qarava na cakacaka oqo, me ratou na vakalailai-taka na kena vakayagataki nai lavo ena soqo oqo, ka sebera talega ni se raica o koya nai tuvatuva vakailavo mena vakayagataki ena summit.
E vakaraitaka o Rabuka ni sebera ni se vakadonui nai tuvatuva vakailavo ni soqo oqo, ka na vosa talega ki vua na Minister ni Lavo Professor Biman Prasad.
VITIFM 92.fm/92.2fm/92.6fm
E KAMICA QAI KAJI!
SOURCE- Fijivillage
