Current track

Title

Artist

Background

SEGA NI RAWA NI VULI VUNIWAI NA GONE YALEWA NI NADI SANGAM

Written by on March 22, 2022

Ena sega ni rawa ni lai Vuli Vuniwai o koya na gonevuli ni Nadi Sangam College, ka rawata o koya e 395 na maka ka maka levu duadua ena veitarogi ni Year 13 exam e gadreva o koya me vuli Vuniwai ni veisele, ia e sega ni rawa ni qarava na vuli oqo me vaka ni sega ni tiko na National Toppers scholarship koya me qarava na parokaramu qo.

Ena gauna e vakatarogi kina na Ministry ena kena soli vua e dua na scholarship ena tabana oqo me vaka ni rawata na maka levu duadua ,e tukuna kina na Minister ni Vuli o Premila Kumar ni ratou gadreva me ratou vakanamata kina vuli ka me vakarautaka na cakacaka.

E tukuna o Kumar ni ratou raica ni so na gauna eso na gonevuli era wele tuga ena bula vaka i lala ka dina ga ni sauma tiko na nodrai tubutubu na nodra vuli.

Na gonevuli ena Year 13 oqo esa vakanamata ga ki na vuli ni Bachelor of Pharmacy ena koronivuli na Fiji National University.

Keitou vakataroga talega na Minister ni lavo oya o Aiyaz Sayed-Khaiyum kei na Minister ni Vuli ke ratou rai tiko ena nona vakacavara e dua na gonevuli ena vuli yabaki dua ena MBBS ka sega ni wili ena $10,000 nai lavo ni veivuke ni matanitu.

Ia e rau a sega ni via sauma ruarua mai na neitou vakatataro.

E tauri rawa mai ena tukutuku vakailavo ni yabaki 2021-2022 ena kena yabaki vakailavo, o ira kece na gonevuli mai na MBBS koya era sa vakacurumi ena Year 13 mai na maka e 340, kei nai matai ni yabaki ena GPA e 3.0 se sivia, ka wili kina na veika e rawata na nodratou vuvale ka tiko ena $100,000 ka lako sobu ena rawa ni ra wili ena $10,000 na veivuke ni matanitu ena nodra veika vakavuli.

E tukuna o Muni Lachmi mai Lautoka koya e gadreva na luvena na veivuke oqo e rawata na GPA koya e 4.19 mai na Foundation ni yabaki 2020 kei na 3.0 GPA ena matai ni yabaki ni MBBS ena yabaki sa oti.

E tukuna ni a sa qirita oti na Minister ni Vuli o Premila Kumar koya e qai vagolea na veitalanoa kivua na Vunivola Tudei ni Vuli. E tukuna o Lachmi ni a qai tukuni malua vua ni $10,000 nai lavo ni veivuke e baleti ira ga na gonevuli ena MBBS koya era lako curuma mai na Year 13.

E vakaraitaka talega ni a qirita talega na Minister ni Lavo o Aiyaz Sayed-Khaiyum, ia e sega ni dua na kena macala.


Reader's opinions

Leave a Reply

Your email address will not be published. Required fields are marked *