SEGA NI VAKASAMATAKA RAWA O QILIHO SE NA GAUNA CAVA E A TUKUNA KINA VUA O BAINIMARAMA ME YAWAKA NA KISI ME BALETI USP.

Sa vakaraitaka na Dau ni vei vakaqaqai ena tabana ni CID  ena Mataveilewai,o koya ka a vakataroga na Komisina ni Ovisa vakacegu Sitiveni Qiliho mai na CID Head Quaters,ni tukuna o Qiliho ena gauna a vakatarogi koya kina, ni sega ni taura rawa,kevaka e a tukuna vua na Prime Minister e liu Voreqe Bainimarama me yawaki koya mai ena kisi ni vei vakaqaqai ni Univesiti ni Ceva ni Pasifika.

Ena nona sauma tiko na taro mai vua na Darekita Vakatawa ni valenivolavola ni dau ni vei beitaki ni matanitu, o Ratu David Toganivalu ena veilewai nei Bainimarama kei Qiliho, ea qai wilika Inspector Suliasi Dulaki ena mataveilewai na veitarotarogi ka rau vakayacora kei Qiliho.

Ena nona sauma tiko na taro mai vua na Loya o Devanesh Sharma, tukuna o Dulaki ni gauna kece ea vakatarogi kina o Qiliho, e dua tikoga na nona sauni taro nia sega vakatulewa taka o koya me sogoti na kisi oqo.

Sa beitaki tiko o Bainimarama ena cala ni kena vakatao taka na cakacaka ni lawa, ka beitaki tiko o Qiliho ena cala ni kena vakasabusabutaki na kaukauwa ni nona valenivolavola.

Ena qai tomani tale tiko na kisi oqo ena Moniti.

https://www.fijivillage.com/news/Qiliho-said-he-cannot-recall-Bainimarama-telling-him-to-stay-away-from-the-investigation-into-USP—State-witness-f85rx4/

VITIFM 92/92.2/92.4/92.6 FM-E KAMICA QAI KACHII!!

I VUREVURE-FIJI VILLAGE.