SERE VOU-AGILOSI VUNITAKI-VOQA KEI DELAI NASAVA
Written by admin on March 15, 2023
“VOQA KEI DELAI NASAVA”-Na matasere oqo e cavutu sara mai Mabula,Cicia mai na Yatu Lau,ka liutaka tiko o Mr Sailosi Waqanisau,ka rogoci talega kina na domoi Sepesa Waqanisau,Uraia Tuilovoni,Mitieli Bogidrau kei Jerry Gaunavou.
“AGILOSI VUNITAKI”-Oqo nai talanoa ni sere me baleta edua na goneyalewa ka susu ga ena koro nei Tinana,mai Yadua mai Bua,ka vakamenemenei ena nodratou veisusu na vugona keina wekai tinana,ni ciqomi me vaka sara ga edua na gone i taukei dina ga ena loma ni yavusa.E nodratou kau na Yasi Dravu,ka nodratou ika na Balagi,ka sautu kina na nodratou i qoliqoli se baravi mai Nukubalavu.
2013 a vuli tiko kina mai Ra High School.Dua ga na mua ni macawa ni vakacagicagi a gade yani na goneyalewa oqo ki Lautoka,ka rau a qai sota kina mai Natokowaqa SDA Church ena dua na soqo ni taba gone SDA Youths kei na dua na cauravou.
E cavu sara tu mai Nakorotiki Wainunu Bua ka se vuli pailate tiko mai Nadi ena gauna oya,Erau sa veitalanoa ka veikilai ka sa taladrodro sara na nodrau veivolavolai,Ia,e vunitaki matua voli ga na nodrau veidomoni me maroroi goneyalewa me vaka ni se vuli voli.
Ena 2015 sa mani gole o goneyalewa ki ACS e Sawani me laki Fomu 7 kina ,sa biubiu talega o cauravou ki Ositerelia ni sa cava na vuli pailate,ka sa mai cavuka talega kina na veitaratara,ia,o cauravou e sega ni veisau na lomana vei nona Agilosi Vunitaki,Sa vaka mai me galili ena veisiga ka sa lialiaci voliga,me yacova ni rau qai veismeti tale ena ivola mata [Facebook] ena yabaki 2022,ka vakavoui na veitaratara ke sa taucoko tale mai nodrau veikilai.
Me yacova mai qo sa vakaditaka tikoga na cauravo oqo ni sa oti e 10 na yabaki mai na matai ni gauna erau a sota kina kei goneyalewa,ka tukuna nina vakamareqeta ka maroroya na nona i yalayala ka dei toka ga na na dua gauna walega qo sa na vakavotukanataki me taicoko na veitalanoa rau a vunitaka voli mai ena dua na gauna.
VITI FM 92.2FM/92.6FM/92FM.
VITIFM-E KAMICA QAI KACHII.
