SERE VOU-AU VAKAYAYAMO-PARADISE ROOTZ

“AU VAKAYAYAMO”-oqo edua na nodratou sere vou na matasere qo na Paradise Roots ena veiliutaki maqosa nei Setareki Baleirara ka sa qai tavoci sara tiko ga ena macawa sa oti .Na sere oqo e vola na qaqana nai liuliu ni matasere na Waikatakatavure E Delai Nukuvula, o Maciu Salauca ka sa vakaitikotiko tudei tu mai ena vanua levu ko Amerika.

Nai talanoa ni sere oqo e baleta edua na cauravou ka dabe tiko ga ena dua na siga ka qai ciri yawa na nona vakanananu,a mani qai raica sara ni rau sa sota kei na dua na goneyalewa rairai totoka.E a qai mani nanuma me tarogi koya me rau veitalanoa mada,ka sa i tekitekivu sara ni nodrau veikilai oqo.

E tomani tiko na nodrau veitalanoa keina veikilai ka sa laki titobu sara ka yaco me  rau sa laki veidomoni  ka  bucina edua na matavuvale.Sa qai mani yaco sara me rau vakamau na rua oqo ka sa toso vinaka sara na nodrau bula ni vuvale,me vaka ni sa qai sereki ka tonotonomata mai na nodrau veidomoni ena kena titobu.

Ena dua na siga ni nona tiko voli na cauravou sa qai yaco me yaluyalu lala ni sa vaka sa yali mai vua na goneyalewa ka rau sa vau vata voli,ka vakayayamo voli ena delani vuravura oqo me vakasaqarai koya,ia,esega vakadua ni qai raica tale edua na kena O,se me bau rogoca tale na domona ka sa vaka na lako voli ena vanua talasiga ka sega kina na wai.

Ia ni mai cava nai talanoa ni sere oqo,ea qai laurai ni Vakanananu walega nei koya na cauravou oqo ka sega ni dua na ka e yaco dina.

Vakarorogo mai ena Vitifm 92.2fm,92.6fm kei na 92fm.

VITI FM- E KAMICA QAI KACHII…