SERE VOU-CAGI NI DELAI YATOVA-ARIETA

CAGI NI DELAI YATOVA–Oqo na Matasere,ka kena i liuliu tiko o Ledua Cakacaka,ka turaga kilai  levu sara ena noda vanua,ka vakatalega kina mai vanua tani ena buturara ni lagasere kei na veivakamarautaki,ka vuqa sara na nona Sere e taleitaki sara vakalevu,ka vakatagitaki tiko yani ena nomuni sala ni kakaburaki na Viti Fm.

ARIETA–Oqo na i talanoa ni Sere ni nodrau a sota na goneyalewa oqo o Arieta kei na Cauravou oqo mai na vanua levu o Okaladi ena New Years Eve ni yabaki 2015 ena vuku ni dua na vakatakakana,ka a cakacaka voli na Cauravou oqo e Palmerston North,ka Vuli tiko na Goneyalewa oqo o Arieta mai Okaladi.

Ena nodrau sota oqo sa tekivu me bucini ka sa buroro saraga kina na nodrau veidomoni,ia na vanua e vakaitikotiko kina na cauravou oqo e rauta ni 6 kina 7 na auwa na nona vodo mai na Cauravou oqo me qai yacova mai na vanua e vakaitikotiko kina o Arieta,ia e lekaleka vei cauravou na veitosoyaki,ka ni dau waqavuka mai ena vei siga vakarauwai,ka waqavuka lesu tale ena vei sigatabu nona dau mai sotavi Arieta walega.

Na Yabaki 2019 sa mai vakacavari kina na nona vuli o Arieta,ka sa rau nanuma me rau sa vakamau me rawa ni  rau sa dua bau ga,ia ni mai oti na nodrau vakamau,ka sa vaka me vakilai talega na drakidrakita ni bula ena loma ni vuvale me vaka nio Goneyalewa e se vakelia tikoga mai eso na SUI MATE me baleti Cauravou oqo,ka mani vakavuna saraga kina me rau sa dui tutu.

Ia,ena nodrau dui Tutu tu ya e dau sega vakadua ni yali vei cauravou ni yalayala e sa cavuta vua na goneyalewa oqo me na qai tinia ga ko Mate.Mani mai yaco tale na gauna me rau veilesvi kina,ka rau sa qai mai walia rawa na veika e dau vakavuna na tatavukivuki ni nodrau bula vakamatavuvale.

VITI FM 92/92.2/92.4/92.6 FM-E KAMICA QAI KACHI!

I VUREVURE-CAGI N I DELAI YATOVA.