SERE VOU-COKA NA DABEA-CAGI NI DELAI YATOVA
Written by admin on June 6, 2022
“CAGI NI DELAI YATOVA”-Na matasere oqo e liutaka tiko o Ledua Cakacaka mai Avea,Vanuabalavu mai na Yatu Lau ka vuqa sara na nodratou sere dau taleitaki ka totoka ni dau rogoca ena vuku ni veivosa matua ka biu vata mai na kena i balebale ena loma ni sere.
“COKA NA DABEA”-Oqo edua na nodratou sere vou ka taleitaki sara tiko ena gauna oqo ena kena dau vakatagitaki ena VITIFM, kei na kena dau saravi talega na kena i yaloyalo.
Na sere oqo e talanoataki kina na veikilai erau a bucina edua na Cauravou ni Ketei mai Lau kei na dua na Goneyalewa ni Qelekuro,Namena Tailevu,ka a tekivutaki ena gauna e rau se vuli kina ena Primary school, ena dua na koronivuli mai Vatukoula ena 1978, ni rau se kalasi 8 kina.
E a qai laki tomana na nona vuli ena Secondary school o cauravou e Ratu Kadavulevu School mai Lodoni, ka gole yani ko goneyalewa me laki vuli ena Ba Methodist e Matavelo mai Ba.Ni oti koya sa qai mani gole sara ko goneyalewa ki valagi ka sa cavuka ekea na nodrau veikilai.
Ia,ni sa oti e vica vata na yabaki,erau sa qai mai sota tale ena kena mai bucini e dua na nodratou soqosoqo ni vuli oti, ka rau mani tomana e kea na nodrau veikilai,ka vakatitobutaki sara na veikilai ka mani vakaqaqacotaki sara ni rau sa laki veidomoni.
E VAKA E KATA NA TIRI-Oqo nai vosavosa vaka Viti ena biu ena i tekivu ni sere oqo ka kena i balebale ni ‘TOTOLO,VAKAMAWE,QAI TUDEI na veikilai oya,me vaka ni rau se veiklai mai ena gauna ni nodrau vuli ena Primary.
Nai otioti ni qaqana eda rogoca kina na nona i tukutuku na gone yalewa ni Qelekuro mai Tailevu oqo,’NOQU BARAVI VEI NUKU LOA ME NOMU I GADIGADI’.
Nai vosavosa na ‘COKA NA DABEA’,e tautauvata ni sa laki ‘DRE KO MALOLO’,me vaka ni vakaibalebaletaki vei rau,ni rau sa matua sara toka na veiwatini oqo ena gauna oqo.
Vakarorogo mai ena VITIFM 92.2FM,92FM kei na 92.6FM
VITIFM – ‘E KAMICA QAI KACHI’.
