SERE VOU-DARU MAI VAKILA-TEBARA VIBES

TEBARA VIBES-Na matasere rogolevu sara e na noda vanua, ka kena i liuliu tiko ko Emosi Diani, e vuqa sara na nodratou sere ko ni sa dau rogorogoca tiko e na nomuni sala ni kakaburaki na Viti Fm. Na sere oqo “DARU MAI VAKILA” e rau ka lagatavata ko Emosi Diani kei Vunisasari, ka katona ko Freddy Suka e na volau ni katokatoni na Dege Production Studio.

DARU MAI VAKILA-Na sere oqo e talanoataki tiko kina e dua na matavuvale , na Turaga e talanoataki tiko e na sere oqo e cavu tu  mai Tavualevu ka vasu e Nalawa mai Ra, ka vaka kina na Marama e talanoa tiko e na sere oqo e cavu tu mai Makadru ,Matuku mai Lau ka vasue Wainibuka, Wailotua. E lima taucoko na luvedrau na veiwatini oqo.

Na sere oqo e buli wale saraga e na nona via vakavinavinakataki tamadratou na gone o Marama e na vuku ni nona vosota na dredre kei na veisusu yaga e cakava voli mai vei i ratou na i solisoli. E vakavinavinakataki watina tiko o Marama e na nona tu raviti koya voli e na kena colati na i tavi ni Lotu, Koro ka vakauasivi na bula ni vuvale e na kena  vinakatati me rawati vakavinaka na bula ka dina madaga ni dau sotavi na dredre kei na vosa mai vei ira na weka ni vuvale, e marautaka tale tikoga o marama na nodrau veiwatini voli mai kei na tamadra na gone e na loma ni 12 na yabaki.

VITI FM;92.2/92.0/92.4/92.6 FM-E-KAMICA-QAI-KAJI

I VUREVURE:TEBARA VIBES