SERE VOU-DAU VAKA VUQA-PARADISE ROOTZ
Written by Samuela Turagatani on May 30, 2024
PARADISE ROOTZ -Na matasere rogolevu sara e na noda vanua ,ka vuqa na nodratou sere ko ni dau rogorogoca tiko e na nomuni sala ni kakaburaki na Viti Fm, ia na sere oqo “DAU VAKA VUQA” e vola ko Seteo Tui Maivuya ka katoni e na volau ni katokatoni na Rose Studio.
DAU VAKA VUQA-Na sere oqo e buli saraga me baleta na draki ni bula, ka ra dau lako curuma vakalevu na gone yalewa se marama e na noda vanua.
Na gauna e bucini kina na veitalanoa, e kamikamica sara na loloma kei na dodomo e wasea o tagane vei goneyalewa, ia na gauna sa yaco kina me rau vau se vakamau ,ka sa tadu mai na i solisoli sa qai vaka me veisau vakasauri na loloma ko a dau varaitaki i liu, ka sa tekivu me seyavu yani vakamalua na kamica ni nodrau veidomoni.
E buli talega na sere me ra bau vakaivotavota kina o ira kece na lako curuma mai se o ira e ra lako curuma tiko na bula qo e na gauna oqo.
VITI FM:92.2/92.4/92.6/92.0 FM-E-KAMICA-QAI-KAJI
I VUREVURE-PARADISE ROOTZ
