SERE VOU – DAWA KAMICA KEI LOMA NI TOBA – ANANAIA TOLOTU GONEBOTI
Written by Mika Qalobula on February 20, 2024
‘DAWA KAMICA KEI LOMA NI TOBA’ – Oqo e dua na matasere vou ena buturara ni veivakamarautaki ka sa bau totoka dina na nodratou sere vovou era dau vakau mai me dau mai vakatagitaki ena VITIFM.
Na matasere qo e ratou cavutu mai na koro vakaturaga o Koronatoga,Navatu mai Cakaudrove,ka liutaka tiko na matasere oq o Nacanieli Ravula.
‘ANANAIA TOLOTU GONEBOTI’ – Na turaga qo e talanoataki ena sere oqo ka vakananumi tu ga kina na nona bula lagilagi,ka sa dau i wewe tu ni gusu na nona i vakarau me vaka ni sa tokitaki na nona bula kina bula ka tarava.
E cavutu mai na Turaga oqo ena koro vakaturaga o Navitilevu,Nalawa ena yasna vakaturaga o Ra,ka mai leqa ena vuku ni dua na tauvimate lekaleka ea tauvi koya me vaka nia mosi ga mai na uluna,ka mai rawai koya sara.
Na Turaga oqo e bula voli tu mai Ositerelia,ka a kacivi talega mai kina na nona bula,ia,e ratou qai sasaga na luvena me ratou mai talaci koya ena noda vanua,ka qai mani seva me vaka ni a donuya tu na kena veitauvi tu kina ena noda vuravura na mate rerevaki na Covid – 19,ka a vakatabui tu kina na veitosoyaki.
E ratou qai mani kerea vei Nacanieli Ravula ke rawa ni bulia e dua na sere me vakananumi kina na Turaga na Tamadratou,ena nona ivakarau vinaka kei na veisusu lagilagi.
Na sere oqo e a qai katoni ena volau ni katokatoni nei Suliasi Uluilakeba ena Baka Production.
VITIFM 92.2FM/92FM/92.6FM92.4FM – E KAMICA QAI KACHI!!!!
I VUREVURE – NACANIELI RAVULA.
