SERE VOU- “DEDE”- WEDGER OSBORNE

Matasere–  Na sere oqo e lagata vakatabakidua na cauravou ni Mavana , Vanuabalavu mai na Yatu Lau o  William Apenisa Raturogo Osborne Wong Wedger , ka lewena talega na matasere oqo na Vt1s se VTBOP Music . Na cauravou oqo e vasu sara ki Vuna e Taveuni, ia e tubucake se susu ga mai Nadi ena gauna se cauravou lailai kina . 

E bulia se vakaqaqanataka na sere qo o Juben Roqara ena  VTBOP Music, ka katona talega o Tropic Thunda mai na VTBOP Music.

Yaca ni sere – ” DEDE” –  Na talanoa ni sere oqo e vakaibalebaletaki tiko ena vuku ni noda bula voli mai se bula veimaliwai kei ira na noda i tokani se na noda matavuvale ena noda i tikotiko se na vanua e da sa lesi kina vaka cakacaka . Ia, e so vei keda e duidui na vanua e da susu mai kina se da tauyavu voli mai kina ena bula ni vakaqara cakacaka, vuli kei na veika tale e so me rawati kina na bula. 

Ena so na gauna sa dau votu mai na matanivale se delaniyavu na vanua e da susu taumada mai kina , ka dau dredre  dina me da veiyawaki kei rau na noda i tubutubu ena vuku ni noda sa dau tu veiyawaki me rawati na bula ni sasaga , ka so na gauna sa dau turu na wainimata, bula galili kei na vakanananu se wadra balavu ena noda vakasamataka lesu na gauna ni lasa kei na marau mai vale . Ia sa dau ka ni vuli vei keda na gauna e da sa dau laki veibiu kina mai na noda matavuvale se o gole yani e vanuatani ena kena sagai me rawati na bula vinaka kei na sasaga vinaka, ka rawa ni o na vukei rau tale mai kina na nomu i tubutubu se na vanua e da susugi  mai kina .

E rawa ni o na rogoca ena VITIFM 92.fm/92.2fm/92.6fm

VITIFM E KAMICA QAI KAJI!

source- Wedger Osborne