SERE VOU-DODOMO VAKAVOTUKANA TAKI-TEVITA BULAI
Written by admin on April 26, 2022
Oqo edua na sere vou nei Tevita Bulai na cauravou ni Nakorovou,Dreketi,Rewa ka dau lagasere tu e liu kei iratou na matasere na Via ni Tebara,ka sa nanuma me sa dua ga na nona katokatoni vakai koya.
Na nona sere vou oqo na “DODOMO E VAKAVOTUKANA TAKI”,e talanoataki kina na bula ni dua na veiwatini ka rau a sota mai Kadavu.E a gole vaka gade na goneyalewa ni Waivou mai Rewa ki Kadavu,ka rau qai lai sota kina kei na cauravou ni Vukavu mai Kadavu.
E laki bucini mai kea edua na veikilai ka laki titobu sara ka yaco sara kina me rau vakamau.Me yacova mai na gauna oqo,erau sa vakatoka na veiwatini qo ni nodrau dui dodomo,sa vakavotukana.
Rawa ni o rogoca na sere oqo ena Vitifm 92.2fm,92.6fm, kei na 92fm.
