SERE VOU – “ISI NAISARANI” – MALUMU NI TOBU KEI NAIVAUKURA.
Written by Rosena Volavola on September 22, 2022
MALUMU NI TOBU – Oqo na matasere ka liutaka tiko o Jio Veitaukula, na cauravou ni Nasau, Koro, Lomaiviti, ka vuqa sara na nodratou sere ka taleitaki tiko ena gauna qo ka dau rogoci ena VITIFM.
“ISI NAISARANI” – Na sere qo e talanoataki taki kina na cauravou qo, mai Naqali, Naitasiri ena vuku ni nona sasaga mai na nona gauna ni vuli me yacova sara mai na veika sa rawata tu ena gauna nikua.
E talanoataki na sere qo, na veiqaravi vinaka mai veirau na nona qase kei na veituberi vinaka mai na koronivuli na Ratu Kadavulevu School e Lodoni, na koronivuli ka laki vuli kina ni bera na nona gole yani ki Ositerelia.
Sa qai mani laki qito voli e Ositerelia ena Super Rugby ka mani digitaki sara me lewena na timi ni Wallabies ka vakavinavinakataki tiko ena sere qo na veisusu vinaka ea tuberi voli yani kina.
E rawa ni rogoca na sere qo ena VITIFM 92.FM/ 92.2FM/92.6FM
E KAMICA QAI KACHI!!!
SOURCE: JIO VEITAUKULA
