SERE VOU-JUVOU NI NABUA-VOQA KEI NAHIVA
Written by admin on March 20, 2023
“VOQA KEI NAHIVA”-Na matasere oqo e cavu tu sara mai ena loma ni koro vakaturaga ko Naqalimare e Navosa ka levu sara na nodratou sere e dau vakatagi taki ena Vitifm ka kenai liuliu tiko o Emosi Nacebe.
“JUVOU NI NABUA”-Oqo nai talanoa ni sere nodrau veidomoni e dua yalewa ga ni Nadroga,ka dau kilai na vanua o Nabuavaju,kei dua gone Tagane ni Davujukia ena koro vakaturaga ko Bemana. Rau a vei rai ga ka sota ena dua na bar ni gunu yaqona na rua oqo ka yaca ni bar sa i koya Helekava Bar,ka mani rau sa mai bucina e dua na vuvale totoka.
Toso vinaka tu na veika kece keina bula ni nodrau matavuvale me yacova ni sa 3 na yabaki nodrau tiko vata vaka veiwatini,qai mani biubiu o gone yalewa me sa gole ki nodratou.
Sa mani qai kerea ko tagane volai edua na kena sere,baleta nisa rui mosi dina vakalevu vei koya na nona gole o gone yalewa.Na vanua ko Nabuavaju,oira kena gone yalewa dau kacivi vei ira na yaca vamenemenei na yaca “Juvou ni Nabua”na yaca ka sere taki tiko ena sere oqo.
Sa qai tukuna o tagane ena sere oqo kivei goneyalewa-“Yalovinaka mo lesu mai Juvou ni Nabua”-Noqu yate e mavoa mo lesu mo mai walia me rawa ni yali na mavoa e dreketa voli.
Qai tukuna kina o tagane ni se waraki koya tu ga,gauna cava ga e lesu mai kina o Juvou ni Nabua,nona mata ni katuba e tadola tuga vei koya ke via lesu tale mai.
VITIFM 92.2FM/92.6FM/92FM.
VITIFM-E KAMICA QAI KACHI.
