Current track

Title

Artist

Background

SOLI TIKO E 12 NA SIGA VEI ERONI SAU ENA VUKU NI MAVOA.

Written by on March 21, 2023

Ena sega tiko ni na qito ena sota kei Highlanders na dauqito o Eroni Sau ena timi ni Swire Shipping Fijian Drua ni oti na kena mai yaco vua na concussion ena qito ena macawa sa oti ena sota kei Reds.

E tomana ka vakaraitaka na dau ni veivakatavulici ni timi ni Drua o Mick Byrne nina vakacegu tiko o Sau me rauta ni 12 na siga.

Na timi ni Drua e rau na calidi kei Highlanders ni vo e 25 na miniti me 4 na kaloko ena yakavi ni Vakarauwai oqo.

Ena so tale na sotasota Crusaders ena qito kei Brumbies ni oti na 6 ena 5 na miniti ena yakavi ni Vakaraubuka, Waratahs ena sota kei Chiefs ni vo e 25 na miniti me 9 na kaloko ena yakavi talega ni Vakaraubuka, Moana Pasifika ena calidi kei Hurricanes ni oti na 6 ena 5 na miniti ena yakavi ni Vakarauwai, Rebels ena sota kei Reds ni vo e 25 na miniti me 9 na kaloko ena bogi ni Vakarauwai, ka rau na sota na timi ni Blues kei Western Force ni vo e 25 na miniti me 3 na kaloko ena yakavi ni Sigatabu.

Ia, na timi ni Rooster Chicken Fijiana Drua ena tekivutaka na nodratou sotasota ena Super W kei na timi ni Brumbies ni vo e 25 na miniti me 2 na kaloko ena sigalevu ni siga Vakarauwai ena rara na Prince Charles Park e Nadi.

 

VITIFM 92.fm/92.2fm/92.6fm

E KAMICA QAI KAJI!

SOURCE: Fijivillage


Reader's opinions

Leave a Reply

Your email address will not be published. Required fields are marked *