SERE VOU-MAVOA NI YALO-KAI DELANA VOCALS PRO

KAI DELANA VOCALS PRO-Na matasere oqo e cavu tu mai na loma ni Koro ko Matawailevu, Nalawa mai Ra, ka vuqa sara na nodratou katokatoni ko ni sa dau rogorogoca tiko e na nomuni sala ni kakaburaki na Viti Fm, ia na nodratou sere vou oqo na “MAVOA NI YALO” e rawa talega ni ko  rogoca ka sarava e na i vatavata ni You Tube.

MAVOA NI YALO- Na sere oqo e talanoataki tiko kina e dua  na vuvale e kavoro ka yacova me sa mavoa na yalo, e vakayatuyatutaki tiko kina na mavoa ni dua na vuvale e na kena sega na veilomani, ka vaka kina na veirogorogoci , ia e dua na ka rerevaki sara ke mavoa e dua na vuvale, ka rawa ni na vakaleqa talega na veika kece me baleta na nodra rawaka na gone kei na nodra sasaga na i tubutubu , ke mavoa talega e dua na vuvale e na sega ni taucoko talega na Vanua , Lotu kei na Matanitu, me vaka ni vuvale saraga e bucina na Vanua, Lotu kei na Matanitu.

Na i wali ga ni mavoa ni yalo e na dua na vuvale sa i koya na loloma ,na i takitaki ga ni mata sere ni Delana Vocals Pro, e na veidredre kei na veileqa e da lako curuma tiko me da dau tovolea meda ciqoma ka meda toso ga ki liu.

VITI FM:92.2/92.6/92.4/92.0 FM-E -KAMICA-QAI-KAJI

I VUREVURE-KAI DELANA VOCALS PRO