SERE VOU-MR NEMANI VUTO-MATASERE-JONE TALEMAINAIVALU
Written by Mika Qalobula on March 22, 2024
JONE TALEMAINAIVALU-Na turaga ka lagata, vola na sere vou oqo, ka vuqa sara na nona sere e dau vakatagitaki tiko yani e na nomuni sala ni kakaburaki na Viti Fm.Na sere vou oqo e a katoni e na volau ni katokatoni na Dege Production.
MR NEMANI VUTO-Na sere oqo e vakananumi ni nona mai takali o Mr Nemani Vuto ka cavu tu mai na koro o Navala mai Ba ,ia e Vasu e na loma ni koro ko Waikete mai Tailevu, e vakawati ki vei Akanisi Jilolo na marama ni Buretu mai Tailevu.
E sucu e na yabaki 1957 e na i ka tinikava ni Janueri, ka mai vakacegu jiko e na i ka tinikawalu ni vula ko Seviteba e na yabaki 2023.
E kacivi Sara tu ga na nona bula na turaga oqo e na mataka lailai e wini kina o Viti vei Wallabies e na kena valataki jiko na bilo levu ni vuravura e na yabaki sa oti.
E marau tu o Viti e na qaqa vei Australia ,ia e mai nodratou tiko na vuvale nei Nemani na rarawa.
E vitu taucoko na luvena na turaga oqo ,na yacadra na luvena o Lasaro Tekuleka, Viliame Lotawa, Senivalati Tokalau, Alesi Daulali, Maria Rabosea,Kinisimere Mate kei Josua Tabua.
Na sere talega oqo e ratou via vakavinavinakataka kina na veisusu vinaka kei na loloma e a solia tu vei i ratou vaka veitinani .
VITI FM:92.2/92.6/92.0 FM-E-KAMICA-QAI-KAJI
VUREVURE:JONE TALEMAINAIVALU
