SERE VOU – MV MATAISAU – SENI UA NI NABAKA
Written by Mika Qalobula on September 13, 2022
‘SENI UA NI NABAKA’-Na matasere oqo e ratou se ka vou toka ena buturara ni veivakamarautaki ka ratou cavutu mai ena loma ni koro vakaturaga mai Muaikacuni,Moala mai na Yatu Lau.
E liutaka tiko na mata sere oqo Eseroma Baleisuva,ka ratou lewena tiko o Anaiyara Bonu,Iliesa Buli,Jitoko Malumu,Maika Bale kei Meceni Karavakibau,ka ratou gone taucoko mai Muaikacuni.
MV – MATAISAU – Oqo e dua na waqa ni matanitu ka a soko voli ena yatu Lau ena vula ko Janueri,ena vuku ni nona veisiko na Turaga na Tui Nayau,o Ratu Sir Kamisese Mara,ka sa sobu rawa kina o koya e Naroi ena vuku ni kena sa tatara tiko mai na cagilaba o Eric enai ka 18 ni siga ni vula vata ga oya.
Ia,e a qai sasaga na MV Mataisau,me laki vakaruru ena daveta mai Nabaka ena mata ni koro o Muaikacuni,ka mani seva ni a qai lutudromu ena daveta oya,ka ratou a mani qai qalo bula ki vanua o iratou na lewe ni waqa,ka vaka vo ga e dua na turaga ni Bua o Jovilisi Matanisiga kei Jone Tanigu na Turaga ni Ono i Lau,ka rau tao toka ga i loma,ka sa mani rau mai kacikaci ni cagi toka ga i kea.
E rawa nio rogoca talega na sere oqo ena VITIFM 92.2FM,92FM kei na 92.6FM.
VITIFM – E KAMICA QAI KACHI!!!!
Source – Eseroma Baleisuva
