SERE VOU – NA UTO NI LEKUTU KEI DRAMEA – AU NA DEI DAULOMANI

YACA NI MATASERE – NAUTONILEKUTU KEI DRAMEA

LIULIU NI MATASERE – ROMULO LEWENIQILA.

KORO-DREKENIWAI,CAKAUDROVE.

BULIA NA SERE- ETONIA LOTE.

Oqo na kedrau talanoa e dua na veitavaleni ka mani  yaco me rau laki veiwatini sara.E sotia voli o tagane(TF), ka cakacaka voli e valenibula o gone yalewa. Sa toso tiko na bula e na kena taucoko,ka sa laki sasaga talega o gone yalewa me bau laki veiqaravi talega ena mataivalu,ka yaco me vaka kina,ia ko tagane,sa laki vakadeitaki sara me sotia tudei.

 Toso tiko na bula I na keba, sa tekivu basika na leqa ni sa dau yali tiko o tagane mai vale me 1, 2 na siga ka sa qai dau soli vasala tiko o yalewa vua ni veika e cakava tiko, ena rawa ni kauta ga mai na leqa kina nodrau matavuvale,ka me nanumi rau tiko na gone.

E yaco na gauna me sa kacivi o yalewa me laki veiqaravi ena veisaututaki mai Syria,ka sega ni dede na nona sa gole,a mani qai ciqoma na qiri mai vei nodratou Ta,ni sa kerea tiko yani me rau sa ‘SERE’,ka mani sega ni vakadonuya mai o Yalewa.

Na gauna sa lesu mai kina ki Viti o yalewa ,sa lala na tu na nodrau  vale.ka oti tale e  dua na yabaki ,sa curu bibi e valenibula o tagane ,ka sa mani ratou vakasosolo na veitinani,me ratou laki sikovi nodratou Ta ,ka ratou Sega ni kila ni sa I otioti ni nodratou raici koya me vaka ni sa yaco na veikacivi ki vua.

Na ka ga e cecere ni ratou qai kauta na yagoi nodratou Ta me ratou lai buluta I nodratou koro me vaka ga na nona gagadre ni se bula,ka sa i otioti talega ni nodratou I loloma ki vua,ka yaca ni sere kina na ‘ AU NA DEI DAULOMANI.’

E tolu na vosavosa vakaviti e curu tiko ena sere oqo

1. E SEGA NI KUBOU ME LAURAI E CAKE – kenai balebale au na maroroa na ka kece baleta nodaru vuvale me yacova na mate.

2. BUBULUI VAKAYALEWA BUKETE- Sega ni dina ena nona yalayala se bubului.

3. YALOQU SA GATA CURUCURU- yaloqu ena dina tu ga vei iko.