SERE VOU-NUKU VULA SERAU-VAQAQA VOLI
Written by Mika Qalobula on June 20, 2023
NUKU VULA SERAU–Oqo na matasere ka kena iliuiliu tiko o Sakiusa Driso ka cavutu mai na koro vakaturaga o Nailaga mai na yasana vakaturaga o Ba,ka vasu kina koro o Cicia mai na Yatu Lau,ka ratou lewe tiko ni nona matasere o Semesa Laliqavoka,Isireli Tuinabavatu ,Paijiliai Turaga kei Maibulu Laliqavoka.
VAQAQA VOLI–Nai talanoa ni sere oqo e se soli sara vei Sakiusa Driso ena 29 na yabaki sa sivi,oqo ena nona a lewena tiko na matasere na Serau kei Mataniselala ka ratou a qai laki lagasere se vakatara ena dua na Koro mai na yasana vakaturaga o Bua,ka qai laki solia vei koya na talanoa ni sere oqo e dua na marama ni Gau ka sotavi koya mai Bua ena nodratou laki lagasere oya.
Oqo nai talanoa ni nodrau veidomoni e dua na turaga ni Vanua Levu, kei na dua na marama ni Gau, ka rau sota ga i Suva,ka na kena kamica ni nodrau veidomoni sa mani bucina lomana o Cauravou me sa kauti Goneyalewa kina nona koro me sana watina.
Sa lai dede vakalailai na nodrau tiko,ka sa tekivu me dau biuti Goneyalewa tuga o Cauravou ena nodratou vale ka dau lako tu laki caka soqo ena veikorokoro.Ia na nona dau laki caka soqo tu o Cauravou oqo, so na gauna oti e 1 na macawa ka qai dau lesu mai,ka mai ulubaletaka tiko vei Goneyalewa ni ratou dau vesuki koya na tavalena.
Ia ena dua na gauna qai laki caka soqo o Cauravou ka qai waraka toka o Goneyalewa me lesu mai ka sa sega ni lesu tale mai ni sa lai lasa tale kei na dua na Goneyalewa.Sa qai tu voli e vale o marama ni Gau ,ka rau sa qai vakaraitaka vua nai tubutubu nei Cauravou ni o Cauravou sa i ka vica ni yalewa o koya e kau yani ena loma ni nodratou vale,ka rau sa dau vosataki koya me muduka na veika e vakayacora tiko,ia o Cauravou sa sega ga.
Sa qai rau vakaraitaka nai tubutubu nei tagane vei na Goneyalewa oqo ni Gau me tiko ga i kea,ka me yacova sara na nona sa via lesu,ka mena qai gole.
Tiko voli o Goneyalewa oqo ena loma ni vale koya lai biuti koya tu kina o Cauravou, sa qai lako mai e dua na Cauravou mai na dua tale na koro ka tiko veitikivi ga mai na koro ka tiko kina,ka qai mai kerei koya me watina.
Io e vinakata saraga o Goneyalewa ni Gau oqo me na tiko I kea me lesu mai koya na Cauravou sa lai biuti koya tu ya, mena qai lai tukuna vua me muduka na I valavala vakaloloma ya kei na mosi e ya sotava me sa rauti koya ga ,me kua tale ni dua e sotava.
VITI FM 92FM/92.2FM/92.6FM/-E KAMICA QAI KACHI
I VUREVURE-SAKIUSA DRISO
