SERE VOU-ONI-SISI

ONI–Oqo na yaca ka kilai tani kina o Mereoni Ramacake ena buturara ni veivakamarautaki se dau lagasere,ia e cavutu mai na goneyalewa oqo ena Koro vakaturaga o Drekeniwai ena tkina o Navatu ena yasana o Cakaudrove,ka dau vakaitavi talega o ONI kei ratou na matailawalawa na VT1S.

SISI–Oqo na Sere ka bulia o ONI me baleta na goneyalewa oqo ko Sisi ka rau a veitau se veitalanoa tu kei na ganena,ka qai mai kacivi na nona bula ena vuku ni dua na tauvimate a bikai koya ena vula o Maji ena yabaki ga oqo.

Ena sereki ni vuli ena vula o Maji e gade e delaniyavu mai Drekeniwai o Cauravou koya na ganei ONI ka itau tiko nei Sisi koya na goneyalewa ka kacivi nona bula,ka lai leqa saratuga nona veitaratara mai vei Sisi me vaka ga ni sega ni rawa na veitaratara ena monalivaliva(No Network)ka vuna kina me sega ni kila na veika sa yacovi Sisi tiko.

Sa vakarau tekivu tale na vuli ka sa lesu tale mai o Cauravou me lako tale mai Suva,ia qai mani kani rarawa vei koya ni sa vodo saratuga mai loma ni Waqa ka qai dolava nona volamata ena nona talevoni me vaka ga ni sa rawa ni veitaratara mai me via vabula yani vei Sisi ka qai sa raica waletuga nodra lolosi na tamata,itokani nei Sisi ena nodra sa tagicaki koya tiko ena vola mata(post).

KAKASERESERE NA UTOQU-Oqori na qaqani Sere nei Oni  ka vakabalebaletaka tiko vua na Cauravou na ganena ni vakaraitaka o Cauravou ni sa dua naka na mosi ni yalona ka vaka ga me sa kakaseresere na utona.

VITIFM 92FM/92.2FM/92.6FM

I VUREVURE-ONI