SERE VOU – PEIPEI NI NAKELO – TEGU KEI NAIYARABALE
Written by Mika Qalobula on May 19, 2022
Sa toso tiko na bula ena veisiga,ka toso vata tiko na nodra tomana tiko na nodra taledi o ira na noda dau ni vucu ena butu rara ni kena dau buli na vei sere vovou,ka dau totoka tu ena noda dau vakarogoca.
‘TEGU KEI NAIYARABALE – Oqo na matasere ka liutaka tiko ko Ropate Drose ka ratou cavutu mai na yasana vakaturaga o Kadavu,ka ratou bulia e dua na nodratou sere ka yaca ni sere na ‘PEIPEI NI NAKELO’.
Na sere oqo e talanoataki kina e dua na turaga ni Kadavu kei na dua na gone yalewa ni Nakelo ka rau a sota mai na vanua levu o Ositerelia,ka rau sa nanuma me rau mai bucina e dua na veikilai ka yaco sara me rau sa laki veidomoni vakaukauwa sara.
E vakabalebaletaka na Turaga ni Kadavu oqo na nona dau raici nona marama ni Nakelo,sa dau vakananumi ira sara ga na na Peipei lalai, ena veigauna kece ni dau sili oti mai kina ena nona dau lumisa vinaka tu mai na matana ka dau ukucavu vinaka tu mai na kena serau.
Ia, e mani mai buli na sere oqo me vakacerecerei toka ga kina o goneyalewa,me vaka ni marama nice ka sa qai tukuna o cauravou ni Kadavu qo ni waqa e sa mai vodoka qo,ena sega ni leleca tale kina e dua tale na waqa……
Ni o na vakarogoca vakavinaka na sere,mo rogoca matua na kena chorus e tiko kina na vosa nei Turaga ni Kadavu vei gone yalewa ni Nakelo oqo-‘NOQU PEIPEI NI NAKELO.
E rawa nio na rogoca na sere oqo ena VITIFM 92.2FM,92FM kei na 92.6FM.
VITIFM – E KAMICA QAI KACHI !!!!
