SERE VOU-ROSIE SOQETA-DOMONI IKO TUGA.

ROSI SOQETA-Na Goneyalewa oqo e cavutu mai nai dromudromu ni siga ko Yaro mai na Yatu Malolo,ka vasu i Tavua,Malolo,ka Sa dede nona dau vola sere tu mai,ka ni se tekivu sara mai na gauna a se vuli kina (class 6),ka baleta ga ni a susu mai ena dua na loma ni bai ni lotu,ka dau vola sere ni lotu vakalevu tuga me ratou dau lagaseretaka ena veisigatabu.

Ia,sa tekivu me sa bucini mai ena loma ni nodratou vuvale na vakasama mena dua na nodratou Matasere vaka vuvale,ka sa dau kasa tuga na vakanananu sena tatadra koya e lomana.

Mani toso na gauna vata kei na yabaki,ka sa lako curuma na bula vaka goneyalewa o Rosi Soqeta,ka sa tekivu talega me veisau na nona vola sere,ka sa tekivu me sa dau volai na kedra sere na nona i tokani vakavuli,ka ra veidomoni tu e koronivuli.

Ia, oira kece na sere e dau vola tumai e sega soti ni dau kawaitaka sara se me maroroya,ka ni  dau maroroya tuga na gospel o koya,ka qai dau nona tatadra tuga me na rogo na domona,ka me dua na nona album me rawa ni rogoca ko Viti kei Vuravura.

Sa mani lomana me sa  solia o koya na nona Sere vaka vuravura mera lagata tale eso na artist,ka mera cavuta na yacaname vaka me  composer me rawa ni dreti ira mai na vinakata me volai na kedra sere,ka nona gagadre me a tuga i vale, ka mera cicimai na tamata ena vuku ni vola sere.

Ia,qai mani seva kece nona i tuvatuva nira sega ni vakaraitaka na yacana  e so na matasere,ka ra laki lasutaka voli ni ra vola na sere,ka mani lomana me sa saga duadua madaga na nona tatadra me rogo nona vola sere ka me sa lagata ga.

DOMONI IKO TUGA-Na Sere oqo a bucini mai na kena vakasama vei na sere vaka peretania na ILL BE OKAY ,ka lagata o Shawn Mendes,ka tekivu ga mai veina kena chorus nona a via vaka viti taka ga na qaqana vaka peretania. ni Vaqo toka kenai rorogo; IF YOU TELL ME YOURE LEAVING, ILL MAKE IT EASY, ITLL BE OKAY IF WE CANT STOP THE BLEEDING, WE DONT HAVE TO FIX IT, YOU DONT HAVE TO STAY FOR I WILL LOVE YOU EITHER WAY.

Me vaka e dau titobu nai balebale ni vosa vaka peretania ra biu toka vena sere qoka, saqai saga o rosi me vakadavoro e dua nai talanoa i loma,ka me veisotari kei na chorus sa volai oji tu,ka Sa qai gadreva e dua ga ka rau mata veitacini o Rosi mesa kena sere.

Domoni iko tuga sa kenai talanoa ko Adi mere Gocake Salaisulu,ka cavutu mai Yaro mai na Yatu Malolo,ka kena sere ko Adi Mere kivei nonai tau koya ka Nanuma cala ko Adimere nisa tagane dina saraga ya me sana watina,ka qai seva nisa vauci oti tu mai vei na dua tale na veitalanoa ko tagane.

Sa mani raica ko Adimere ni sa sega ni vakavotukana na veitalanoa rau a bucina,kasa mani yalovinaka ga ka sereki koya,ka kaya ni kevaka kosa lako, au na ciqoma,ka Meu na kua ni tarova na nomu gagadre, noqu senikau,ka Au na domoni iko tuga.

VITI FM 92/92.2/92.4/92.6 FM-E KAMICA QAI KACHI!

I VUREVURE-ROSIE SOQETA