SERE VOU-RUI GAUNA MOSIMOSI-VOQA VOU NI SICI NI WAIDRANU.
Written by Mika Qalobula on March 4, 2024
VOQA VOU NI SICI NI WAIDRANU-Oqo na Matasere,ka cavutu mai ena loma ni koro vakaturaga o Serea mai Naitasiri,ka kena i liuliu tiko o Vailato Rokacikaci,ka rogoci talega kina na domoi Vuate Rakavono,ka oqo me i sevu ni nodrau sere me tavoci yani ena nomuni sala ni kakaburaki oqo na Viti Fm.
RUI GAUNA MOSIMOSI-Oqo nai talanoa ni Sere me baleta na nodrau a veidomoni e dua na cauravou ni Serea mai Naitasiri kei na dua na Goneyalewa mai Buca Bay mai Cakaudrove,ka rau a veikune mai na koronivuli ni vuli Torocake mai Natabua e Lautoka.
Toso na nodrau veitalanoa kei na nodrau veidomoni,ka sa nanuma o cauravou me kauti goneyalewa me rau laki sereki vata ena nona koro mai Serea,ka sa vakadodonu kina o Goneyalewa,ia ni cava na sereki koya me sa ia tale na lesu ki vuli,qai sasaga veitaratara tiko o cauravou vei goneyalewa sa sega ni ciqomi rawa tiko mai,ia mai na tai ka dua e sasaga veitaratara tale tikoga mai o goneyalewa qai sa sega ni ciqomi cauravou rawa talega.
Ia,sa qai mani yaco na gauna me sa vakadewataka o Cauravou nai tukutuku vei Goneyalewa ni sa buli e dua na kedrau sere,ka me sai vakadei talega ni nodrau veidomoni,ia,ena gauna sa rogoca kina o goneyalewa na sere oqo,ka sa qai vakadeitaka i yalona ni sa dei na veidomoni oqo.
VITI FM 92/92.2/92.4/92.6 FM-E KAMICA QAI KACHI!
I VUREVURE-VOQA VOU NI SICI NI WAIDRANU
