SERE VOU – SENIUA NI TOBA DOMONI & VOQA NI UA MAI CAKAU – MALAKAI BUASERAU

O rau na matasere e rua qori,e rau sa dau vakasakiti ena butu rara ni veivakamarautaki ena noda vanua,ka levu sara e ra dau taleitaka na vei sere rau dau katona,ia,oqo,e dua na sere ka rau veivuketaka na kena lagati,ka rawa nio rogoca e na vuqa na vanua o vakataleva ena kena dau vakatagitaki.

Na sere vou oqo e talanoataki kina o Malakai Buaserau,na cauravou ni Nayavu,Wainibuka,Tailevu kei na dua na gone yalewa ni Nanoko,Navatusila,Navosa,ka rau sota ena 2016 mai Lautoka ena dua na keba ni tabagone.

E vuli tiko na gone yalewa oqo ena University mai Lautoka ,ka vuli tiko o Mala ena APTC e Suva ka sa dau dredre na nodrau dau sota me vaka ni rau sa rui veiyawaki sara.2018,sa sasaga mai ki Suva ko gone yalewa me vaka ni levu sara na vakatatao rau sotava ena nodrau bula ni veitau,ia ena 2020,sa yacovi Mala e dua na tauvimate levu ka vaka me vakasauri na kena tauvi koya, ka sa lutu tiko ga na yagona ena vuku ni bibi ni mate.

E na vula ko Me nai ka 20 ni siga,sa cicivaki kina ki valenibula,ena vuku ni bibi ni mate,ka qiriti gone yalewa mai o Mala me cavuta nai otioti ni nona i tatau ni sa vakila ni mate oqo e sana rawati koya.Na siga ka tarava,e a qai qiri lesu yani o gone yalewa me taroga,se sa vakacava,sa taqiri lala na na nona talevoni,me vaka ni sa kacivi.Ea mani vakusakusa yani ki valenibula ena nona sega ni vakabauta,ka vinakata me lai vakadinadinataka se sa kacivi dina o Mala,ka tarai koya e dua na mosi levu ni sa raica ni sa davo galugalu toka na tagane ea domona.

Na siga ni vakasuka qele,ea gole tale ga kina na gona yalewa oqo me laki vaitalaci vei Mala ka sa dua na ka na levu ni nona rarawa ka sa sega ni dua na ka me caka rawa kina,me vaka nisa kaci o Tamada.

O Josefa Namatua,ka taba toka oqori e cake,mai na VOQA NI UA MAI CAKAU,eo na rogoca talega na domona e na sere oqori.

Rawa nio na rogoca tale ga ena VITIFM 92.2FM,92FM kei na 92.6FM.