Current track

Title

Artist

Background

SERE VOU-SENIVONO-MATASERE-LAWX B TABUACALA

Written by on December 14, 2023

LAWX B TABUACALA-Na turaga ka kilai levu sara e na buturara ni veivakamarautaki e na lagasere e na noda Vanua, ka vuqa sara na sere o ni sa rogoca oti e na nomuni sala ni kakaburaki na Viti Fm. E vola na i talanoa ni sere oqo ko Lawrence Bale, ka katona o Freddy Suka.

SENIVONO-Na sere oqo e talanoataki tiko na nona bula e dela ni vuravura me yacova na nona¬† mai kacivi na nona bula e dua na Gone Yalewa lailai ko Tabeibeti Kutani Vuetasau ka kilai e na yaca na “Senivono”, e a sucu ko Tabeibeti e na i ka walu ni siga ni vula ko Maji ruanaudoluruasagavulukadua me yacova na nona mai kacivi e na i ka ruasagavulukadua ni vula ko Maji e na yabaki saraga oqo. E cavu tu mai na koro ko Naroi, Moala mai Lau e na loma ni Tokatoka ko Nasomoiloma, ka vasu na Gone Yalewa lailai oqo e na Koro ko Natumua, Tavuki mai Kadavu e na loma ni Tokatoka ko Vunitawaleka.

E rau lewe rua na veitacini ka qase ko Josefa(Yabaki 4) ka gone vei rau ko Tabeibeti(Yabaki2), e dau vailasa tu ni loma ni vuvale na Gone Yalewa lailai oqo, ka dau curu suka voli e na vale ni bula levu e Suva, ia e sega ni tarova rawa na nodratou dau veiqaravi na kena liga ni veiqaravi kei na veisiko e na veisiga na vuvale, ka mositi i ratou sara vakalevu na Gone Yalewa lailai oqo baleta ni dau vaka me vunitaka voli tu na nona tauvimate kei na nona mosi vei i ratou na nona lewe ni vuvale.

E na veigauna me curu tu kina e vale ni bula se me bikai tu na tauvimate, e na dau matadredre tu ga me vaka ga e sega ni tauvimate tu, ia e sega vakadua ni oca na vuvale na veiqaravi mai vale ka vaka kina e vale ni bula me yacova ni sa mai leqa. E mai kerei Lawrence o Tamana se rawa ni bulia walega na sere kei Tabeibeti(Senivono) me i vakananumi wale tu ga ni nona bula e na dela ni vuravura oqo.

 

VITI FM:92.2/92.6/92.4/92.0 FM-E-KAMICA-QAI-KAJI

VUREVURE-LAWX B TABUACALA.

 

 

 

 

 


Reader's opinions

Leave a Reply

Your email address will not be published. Required fields are marked *