SERE VOU – TURAGA TAU – VOQA KEI VIQA DOMONI
Written by Mika Qalobula on November 28, 2022
‘VOQA KEI VIQA DOMONI’ – Oqo na matasere ka liutaka tiko o Apisai Waqa,ka vuqa sara na nodratou sere vovou era dau mai tavoci tiko ena VITIFM,ka levu sara era dau taleitaka.
‘TURAGA TAU’ -Na sere oqo e talanoataki kina na nodrau veidomoni e dua na turaga ni Tailevu ni siga, kei na nona marama tauvu mai Burotukula. E cakacaka voli e Suva ena tabana ni Vakacavacava o vunimarama,ka rau qai sota kei na turaga oqo ka sa okata o koya mai vuni yalona me sa nona daulomani.
Na cauravou e kena dau sara ena qito rakavi, ka mani yaco na gauna ni sa ciqoma kina e dua na nona konitaraki vaka qito me sa dewa yani ki na vanua levu ko Ositerelia. Sa toso tiko na veitalanoa ka sa toso vata na yabaki ka solia kece tu na nona dina na marama ni Burotukula oqo ka sega ni kila ni sa vakaseva nai naki o nona turaga tau ka ni sa vakawati kei na dua tale na marama mai Ositerelia.
Ia,mai vuni yaloi marama e kaya o koya ni sega vakadua ni yali vua na yalo ni dodomo, ka domoni nona turaga tau kina,ka qai mai vulici kina na sere oqo mei vakadewataki ga kina na vakavosa na yalona kivei nona tau…
