SERE VOU – VAKAMAREQETI – WAIKATAKATA VURE E DELA NI NUKUVULA
Written by Mika Qalobula on September 7, 2023
Na matasere na WAIKATAKATA VURE E DELA NI NUKUVULA,e liutaka tiko na gauna oqo o Lemeki Tunidau na taci Maciu Salauca me vaka ni sa vakaitikotiko tudei mai Amreki o Maciu ka ratou dau taleitaki sara na veisere vovou e ratou dau lagata me vaka ni dau rogo vinaka na qaqana kei na kena i kabakaba.
‘VAKAMAREQETI‘ – Oqo e dua na nodratou sere vou ka talanoataki kina e dua na veidomoni ka rau bucina e dua na cauravou ni Nasawana,Nadi maiBua,kei na dua na goneyalewa ni Vaturomulo,Vaturova mai Cakaudrove.
Sa totoka sara tu ga na nodrau bula ni veidomoni ka sa dua voli tiko na nodrau i solisoli me yacova mai nikua,ia,sa qai kacivi ena vuku ni veiqaravi ki Oairelia o cauravou,ka mani kerea me buli e dua na sere me vakaraitaka tiko vua na yalewa ni Vaturova qo,ni se kaukauwa tiko ga na nona domoni koya,se mani vakacava na ka e kauta mai ko Vuravura,ia,ena sega vakadua ni vakawaletaki nona Daulomani lomani,ka na ‘VAKAMAREQETA’tu ga.
VITIFM 92.2FM/92FM/92.6FM/92.4FM – E KAMICA QAI KACHIII
I VUREVURE – WAIKATAKATA VURE E DELA NI NUKUVULA.
