SERE VOU-VASEMACA LOLOU- VOQA KEI KOILAGI
Written by Rosena Volavola on March 3, 2023
NA SERE VOU-“VASEMACA LOLOU”– Oqo nai talanoa ni sere me baleta tikoga e dua na marama ni Urata mai Savusavu ka sa lai takitaki ni wai tu ena vanua vakaturaga o Ravinivatu mai Seavaci ena Mataqali vakaturaga o Nabukarabe mai Baleyaganiga mai Vaturova ena yasana vakaturaga o Cakaudrove.
Na marama qo o Vasemaca Lolou e mai kacivi nona bula ena yabaki 2021, ka mai tara vakabibi na loma ni nona vuvale na mosi kei na rarawa me vaka ni sa mai gole na tina ka liga ni veisusu ena loma ni vuvale.E mosi na yaloi Turaga na watina nona sa mai kacivi na Marama ni Urata qo,ka tarai koya vakalevu na batabata ni bula kei na mavoa ni yalona ka vakavuna me butobuto vei koya na vuravura.
MATASERE- “VOQA KEI KOILAGI”– Na matasere qo e cavutu mai na koro vakaturaga o Togaviti ena Tikina o Vaturova ena yasana ko Cakaudrove,ka liuliu ni matasere qo o Tulepai Matarugu ka rau lewena tale tikoga na matasere o Sotia Matarugu kei Josua Matarugu .
VITIFM 92.FM/92.2FM/92.6FM
KAMICA QAI KACHI!
SOURCE: Tuilepai Matarugu
