SERE VOU – VEIDRAKI NI BULA – VOQA NI VIQA DOMONI
Written by Mika Qalobula on February 21, 2024
VOQA NI VIQA DOMONI – Na matasere oqo e liutaka tiko o Apisai Salabogi,ka levu sa ra na nodratou sere e sa dau mai vakatagitaki ena VITIFM,ka dau talaeitaki sara vakalevu,ka rau lewena tale tiko ga na matasere oqo o Saula Nata kei Marika Waqanivalu.
![](https://vitifm.com.fj/wp-content/uploads/2024/02/DREN-300x145.png)
‘VEIDRAKI NI BULA’ – E talanoataki ena sere qo e dua na Turaga kei na vanua e cavutu mai kina ka talimagimagitaki ena sere na dredre e lako curuma.
E seretaki na dredre ni bula e sotava,me vaka nia vakayalia na nona cakacaka ka laki tini sara kina vanua ni veivakaddodonutaki ena vuku ni nona sa vauci vakalawa.
Sa qai vakavinavinakataka o koya na Tamada vakalomalagi,kei na yalo vosota e solia tu veirau na nona veitinani,ka rau dau laki sikovi koya ena veigauna kece ni veisiko,ka rau ciqomi koya talega ena gauna sa suka yani kina.
![](https://vitifm.com.fj/wp-content/uploads/2024/02/ASHJ-300x137.png)
Sai ivakavuvuli ga ni sere oqo,sa i koya,ni ke mani ra vakanadakui iko kece na Tamata,ka ra biliraki iko,ia, ena tu raviti iko ena veigauna na Kalou kei ira na nomu lewe ni matavuvale dina.
https://youtu.be/Hp9Qyvi1D70
VITIFM 92.2FM/92FM/92.6FM/92.4FM – E KAMICA QAI KACHIII
I VUREVURE – APISAI WAQA.