SERE VOU-VUNI NOQU VAKACEGU-WAIKATAKATA VURE E DELANI NUKUVULA
Written by admin on January 30, 2023
“WAIKATAKATA VURE E DELANI NUKUVULA”-Na matasere oqo e cavu tu mai ena koro o Seavaci,Vaturova,Cakaudrove.Ka kenai liuliu tiko o Maciu Salauca ka sa vakaitikotiko tudei e na vanua levu o Amerika,ka sa cicivaka tiko na matasere ena gauna oqo,ena noda vanua na tacina o Lemeki Tunidau.
“VUNI NOQU VAKACEGU”-Na i talanoa ni sere oqo ei talanoa ka vakanananu taki ga,ka me daru sa rogoca sara mada yani.
Oqo me baleta ni rua rau veidomoni se bucini na nodrau veikilai,sa qai dau tu o ira mera dau lomaca kina se era dau saga me ra voroka se yalana na veikilai ya,ka nanumi kina ni draki ni bula qo e sa tiki tu ni bula e na gauna ni kua.
Io ka i takitaki tiko ni sere qo sei talanoa e via tukuna tiko na sere qo, ni sa dau kaukauwa beka na sasaga ni meca, ka kalougata na veidomoni e yavutaki ena vei lomani.Ni kaya na nodra vosa na qase e dau kuvu kina nodra dravu na meca se dau sega ni yaco na nodrai naki ca.
Ka rau( Na Veitau se Veiwatini) na dau sakisaki tu ena qaqa se vodo ena waqa ni verata e ra dau kaya na qase,ka kenai i balebale beka ni rau sa qaqa.
Ka vaka toka na soko ena toba voravora- nira saga me ra voroka na veikilai na meca, e rawa ni da kaya, Io e dau qai malumu se e dau dua na vakacegu levu ni sotavi na maravu.Oqo ni yavutaki tiko na veidomoni ena veilomani.
E vaka ga me vakaisaluwaki taki tu-ni dau kuvusa yawa na kenai boi se na talei beka ni veikilai oya, e rawa ni da kaya,ni ka bula madaga era ceguva e ra meke tale na levu ni nodra mamarau.
Otioti ga ni qaqana, vaka toka beka me i vakaro, se vakavakarau beka, ni vakarau me cava e dua na cere se siga ni veidomoni se veikilai oya.Sai koya na kena vakarau lutu na buto,ka da kila ni buto na gaunisala e dau vakayaco lomana kina o vuni vuni ca.
Ka yaga me viribai tiko na veidomoni ka me na kua kua sara ni sikabotea na meca se vuni ca.Ka rawa kina ni yadravi tale e dua na siga vou se kenai balebale beka,ni bula tikoga na veidomoni se veikilai oya.
VITIFM 92.2FM/92.6FM.92FM.
VITIFM- E KAMICA QAI KACHII.
