SERE VOU-YASI BOI YAWA KEI NABITUDUA-DREU BOTA.

YASI BOI YAWA KEI NABITUDUA-Oqo e dua na Matasere ka sa qai matai tiko ni nodratou sere e katoni ka mena vakatagitaki yani ena sala ni kakaburaki oqo na Viti Fm,ka ratou veitacini tikoga na lewe ni matasere oqo.

Na nodratou Sere oqo e a vola se composer taka o Apisalome Koroirabuka,ka rogoci talega kina na domoi Iowane Tulagi ka cavutu mai na loma ni koro o Dogoru mai Macuta,ka vaka talega kina o Inoke Ceqe,Inoke Taga,Samisoni Madigi,Serupepeli Vuaveituki,Naomi Marama,Semesa Tuikatudrau,ka ratou cavutu kece mai Nasaibitu,Wainibuka mai Tailevu kei Tuks cauravou ni Burelevu,ka vakatalega kina o Akuila Leone mai Vorovoro,Dawasamu mai Tailevu ,ka ratou lewena tiko na matasere oqo.

DREU BOTA-Oqo nai talanoa ni sere, ka talanoataki tikoga kina na nodrau bula nai tubutubu turaga kei nai tubutubu marama nodratou na lewe ni matasere ga qo mai Nasaibitu,Wainibuka mai Tailevu,ka ratou via talaucaka walega ena Sere oqo na talei kei na vinaka ni nodrau veisusu o rau na qase,ka sega ni ratou sauma rawa.

E ratou talanoataka tiko ena Sere oqo nai tovo ni veivakatamatataki kei na veivakaturgataki,ka dau tu vei rau na nodratou itubutubu,ka vakauasivi ena nodra dau ciqomi ka vakamareqeti ena matadredre o ira na vulagi se dua ga na wekadratou ena gauna dau lako yani kina ena nodratou lomanivale,ka vuqa talega na veimata tamata era dau taleitaka na curu yani ena loma ni nodratou vale baleta ni rau Qase dau veikauwaitaki,ka dau veivakaturagataki.

Na yaca ni Sere oqo na Dreu Bota ,ka oqo e vakabalebaletaki tiko vei na dua na ikau Jaina ka ni dau Dreu tu,ka ra qai dau ciciva yani na tamata me ra bau laki tovolea,ka e vaka sara tuga ya na bula nei rau na nodratou itubutubu na lewe ni matasere oqo,ka ratou vakavinavinaka vakalevu vei rau na nodratou qase ni ratou vuli ka tuberi vakavinaka tu mai ena itovo ni dau kauwaitaka na tamata kei na bula ni tamata dau yalo mamarau,ka vakauasivi ena nodratou tuberi me ratou kila na Kalou ka me ratou gone dau Lotu.

I VUREVURE-APISALOME KOROIRABUKA

VITIFM 92FM/92.2FM/92.6FM-EKAMICAQAIKACHI!