SERE VOU-YATE DEI-PARADIZE ROOTS
Written by admin on July 12, 2022
“PARADIZE ROOTS”-Oqo e dua na matasere e ratou vakacakacakai ratou tiko ena gauna qo ena butu rara ni veivakamarautaki ena noda vanua.
E ratou lewena tiko na matasere oqo o Tomasi Masikesa Natera, Aisea Bulirua kei Benjamin Taka.
“YATE DEI”-Na sere oqo e bulia o Suliasi Uluilakeba nai liuliu ni matasere na “THE WEST FIJI”ka qai solia vei iratou na PARDIZE ROOTS me ratou lagata.
E talanoataki ena sere oqo na nodra bula na dau lagasere kei na dau ni vucu ena noda vanua,ena vuku ni nodra dau tu veiyawaki tu kei na nodra vuvale,vakabibi na watidra se na nodrai tau.
Oqo me baleta na nodra dau dinata na nodra yalayala,ka levu na gauna e laurai,se mani vacakacava sara na osooso ni nodra vakaitavi tu ena dua na soqo,vakatasuasua,bose se cava ga era vakaitavitaki ira tu kina,ia, na gauna sa dau taqiri na nodra talevoni ka sa qiri mai na kedra i kasa,era sa dau duri ka laki sauma saraga vakadodonu ka veitalanoa me vaka na veidinadinati.
Vakarorogo mai ena VITIFM 92.2FM,92.6FM kei na 92FM.
VITIFM-E KAMICA QAI KACHI.
