SEREVOU-NOQU DAULOMANI-VESI KEI NAIRIKILAGI
Written by admin on May 12, 2022
E mai tavoci ena bogi nikua ena VITI FM 92.2FM ena porokaramu na “NEW BORN”ni sivi toka na 8 ena tinikalima na miniti [8:15pm] na nodratou sere vou na matasere vou oqo na – “VESI KEI NAIRIKILAGI”.
Na matasere oqo na “VESI KEI NAIRIKILAGI” e buli sere tiko kina o Tevita Veiqaravi ka da na rogoca kina na domoi Joe Matai na cauravou ni Nacobo,Lovoni mai Ovalau,ka rau cakacaka tiko ena nodratou Aulbum me vaka ena tavoci tiko ena mua ni vula o Jiulai sara ga oqo.
“NOQU DAULOMANI”-na sere oqo e talanoa taki kina na nona vakanananu e dua na cauravou ki vua na nona daulomani ena gauna erau sa veibiu kina me gole yani vakayawa o goneyalewa.
Na gauna sa biuta kina na noda vanua o goneyalewa sa qai dau mositi gone tagane tu na i vakarau vinaka nei goneyalewa,me vaka ni gone yalewa yalo vinaka,dau veikauwaitaki,dau loloma,kei na nona dau matadredre.
Ena i matai ga ni qaqani sere oqo,e kerea tiko kina o cauravou, ke rawa walega ni vosoti koya o goneyalewa,me vaka ni rau veicalati vaka lailai ena veika rau dui rawata,ka ni rawati koya sara vaka vinaka o goneyalewa mai vua na cauravou oqo,ka cavuti tiko ena qaqana e loma na vosa oqo,’NA VEIKA KECE KO TAGICA MAI E SEGA TU VEI AU’.
Oqo e sere ga ni vakanananu nei tagane vei goneyalewa ena dela ni vakanuinui,ni rau na mai vau ena dua na siga.
E rawa ni o rogoca na sere oqo ena Vitifm 92.2fm,92.6fm keina 92fm.
VITI FM – E KAMICA QAI KACHII!!!!
