SOLEVUTAKI NA 100 NI YABAKI NI KENA CABE NA LOTU EKELESIA KATOLIKA MAI SOMOSOMO E TAVEUNI
Written by Mika Qalobula on August 23, 2023
E ra mai solevutaka tiko ena siga Tusiti ena macawa sa oti(15/08), na lewe ni koro mai Somosomo,mai Taveuni,nai ka 100 ni yabaki ni kena a cabe na Lotu Ekelesia Katolika na nodratou koro vakaturaga,ka cabe yani kina ena tiki ni siga vata oqori,ena 1923.
Na soqo oqo e qaravi vata na kena Misa Tabu ka tekivutaki mai na Delana ka laki coqomi kina na lotu,ni bera ni ra a qai Porosesio sobu mai kina nodra Vale ni Soro, ena loma ni koro,ka mai vakacavari kina na Misa Tabu.
E sega soti sara ni ratou lewe levu na lewe ni Ekelesia Katolika mai Somosomo,ia,e ratou marautaka ni maroroi vinaka tu ga na vabauta mai na gauna oya me yacova mai nikua.
VITIFM 92.2FM/92FM/92.6FM- E KAMICA QAI KACHI!!!!
