Sota vakaveitacini vulioti ena ituvatuva ni soqo e Ratu Kadavulevu.

Era sa tuvatuva ka na vulioti ena koronivuli e Delainakaikai ena nodra nanamaki ena soqo ni kena vakananumi ni yabaki 100 ni koronivuli. Ena vakayacori tiko na soqo oqo ena Seviteba – 9 ki nai ka 14.

Ena bogi , e ratou a sa qai mai sota kina e vica na kalasi vata ka vakadavori kina na ituvatuva ena kena sagai na veika me baleta na siga namaki oqo. Na soqo oqo meda kila , nira soqoni tikoga vaka yabaki vata na cauravou vulioti.

Rogo na tama mai katuba ka vakaraitaki ni dei vinaka tu na veika e vulici ena veisiga Vukelulu ena gauna ni ‘culture’ se vuli itovo vakavanua mai Lodoni. Sa qai cabo yani na isevusevu ni vuvale vei rau na veiwekani ka rau sa liu mai.

Tadu liu mai na Turaga Qase ni lotu ena koro e Veinuqa , Namalata , Tailevu ka jabeni talega ni 400m ena nona gauna ni vuli. Sega walega ena zone , e laki yaco sara ena qito levu ni Coke games ko Kitione Moceinaliwalala. Rau yacoyaco-vata ga mai kei Turaga Naita mai Nadroga ka mata ni noda matanitu o Viti e Dubai , ko Naipote Katonitabua ka dua talega e dau vakaraitaki koya ena qito rakavi ena nona gauna ni vuli, na Qanitavaya kei na timi ni koronivuli . Na kedrau irairai na turaga rua oqo , e votu mamaca ni rau sa kana vakavinaka sara tu ga mai.

Sega ni dede , sa basika yani na wekadratou ko Tevita Ranacika ka mai vakaraitaka toka ni sa sega tu ni gunu yaqona me vica vata na yabaki. Na vuna nia mavoa ena dua na qito ni club game e Suva. Keitou sa mani rokova toka na ivakamacala oya.

Ratou sa qai basika yani na veitacini vulioti , ko Tevita Lagi ka dau kilai talega ena yaca Te Masese, kei rau na veiwekani mai Tailevu ko Sitiveni Taginatoakula mai na koro ko Tonia , Taivugalei kei Isoa Koroi na karaki vosa mai Dawasamu.

Mai lewe toka ni veitalanoa na ituvatuva sa toka mena qaravi kei na nodratou sa tarai talega na lewe ni kalasi era tu tani mai. Laki qiriti talega e dua na nodratou gone vasu ko Usman nai taukei ni sitoa levu e Korovou ka sa tukuni yani vua na nona i tavi. E ciqoma ena yalo marau vaka gone ni Lodoni ka kerea me ratou na qai nanumi koya tiko yani.

Sa totolo na gauna, ni siga ni cakacaka na siga ka tarava , sa vuki kaci taki toka ga ko Te Lagi kani rau na lesu tale tiko ki Tailevu ni siga na Qase mai Veinuqa kei na wekana mai Dawasamu.

Rogo na veivakamocetaki , ka sa mau tale tu na nodratou sota ka tarava e Tuirara ena siga sa lokuci.

Delainakaikai cere sara.

source:

Atu Kurumudu