SOTAVI NA TATADRA-PAULA NAYACAKALOU

Vakaraitaka o Paula Nayacakalou ka dau centre tu e liu ena timi ni Kaiviti Silktails,ni dau tatadrataka tu me na dua na gauna me matataka me na taramaka na siqeleti vulavula ni timi ni Viti.

P,Nayacakalou:pc-fijivillage

Marautaka na cauravou ni Naqarani,Rewa qo na nona sa butuka ena i matai ni gauna na rara mai Hong Kong ena gauna ratou gade kina e na rara kei na nona i tokani lewe ni timi.

Vakaraitaka na dau ni veivakatavulici ni timi ni viti 7,Ben Golings,ni sa solia na nona veivakabauti vei Nayacakalou ena nona veisosomitaki yani ena nona sa gole ki na timi ni Fijian Drua o Elia Canakaivata.

Kaya o Golings ni o Nayacakalou esa dau qito tiko mai ena League,ka rawa ni na veivakurabuitaka sara na veika ena rawa ni mai vakaraitaka ena rakavi 7,vakabibi ena sotasota qo e Hong Kong.

O Nayacakalou e dua vei iratou na 3 na cauravou ka sa qai mata taka vakadua na timi ni Viti ena sotasota ni Vuravura le yavitu,kei Tira Welagi vata kei Josevani Soro.

Viti ena qito kei Javani ena 8.52pm bogi ni kua,kei Spain ena 4.15pm ni mataka,kei na i otioti ni sota vakatobu kei USA ena 8pm ni mataka.

Ivurevure:fijivillage