TALACI E 5 NA LEWE NI BANI NI MATAIVALU E VITI KI BOLATAGANE
Written by Maria Solomone on May 26, 2022
pc:RFMF
Eratou mai talaci ena mataka ni kua e 5 na lewe ni matabani ni mataivalu ena noda vanua,ka namaki me ratou sa na gole tiko ena siga ni mataka ki Bolatagane ena vuku ni veisureti ka ratou na lai tiki tale ga ni soqo levu baleta na marama na Ranadi mai Bolatagane kei na nodra yabaki 96 tale ga ka dau vakananumi tu ena veiyabaki ena Buckingham Palace mai Lodoni.
Ena liutaka tiko na i lakolako na i liuliu ni matabani ni mataivalu o Capt.Netani Dauvere kei na FSM Sergeant Major WO1 Joeli Rabuli
pc:RFMF
Tekivu ena dua na lotu ena mataka ni kua,ka veiliutaki kina na i talatala mai na Navuso Technical College, Reverend Joeli Mawi, ena keba ni mataivalu mai delainabua,ka tataunaka vei ratou me ratou lai vakaraitaka sara na taledi vinaka e soli vei ratou ena vanua ratou kacivi me ratou vei qaravi kina.
Vakaraitaka tale ga na vakanuinui vinaka ena vuku ni mataivalu na Commanding Officer (CO) Land Force Command (LFC),Major (Maj) Mikaele Wara ni ratou sa gole ka lai qarava vinaka sara na i tavi baleta ni ratou sega wale ga ni gole ena vuku ni nodratou dui vuvale se mataivalu ga,eratou kauta tiko na yaca i viti,
pc:RFMF
Vei ratou na 5 ka ratou na gole qo e soli tale ga vei ratou na kena tosocake na nodratou i tutu vakacakacaka ni kua:Capt Netani Dauvere, Sergeant Aporosa Rokosuka, Sergeant Mijieli Borisi, Corporal Alanieta Ratu, and Lance Corporal Talevi Qeraratabua.
Na soqo mai na Buckingham Palace ena namaki me na Vakayacori ena Sigatabu na i ka 5 ni Jiune.
source:Republic of the Fiji Military Forces
