TAROVI ENA RARA NI WAQAVUKA MAI VANUATU ESO NA NASI MAI NA YATU SOLOMONI.
Written by Maria Solomone on November 5, 2021
Era tarovi ena mataka ni kua mai na rara ni waqavuka mai Vanuatu eso na Nasi mai na Yatu Solomoni kei na nodra vuvale.
Eso vei ira na nasi mai na Yatu Solomoni ka ra tao tu mai Vanuatu kei na nodra vuvale:photocredit:Hilaire Bule.
E rauta ni 19 na nasi mai na Yatu Solomoni ka sa cava na nodra veiqaravi mai na Tabana ni Bula mai Vanuatu,ka sa dodonu me ra sa lesu tale ki Solomoni ena Vukelulu kei na nodra matavuvale esa vakaraitaki vei ira ni ra na sega ni rawa ni vuka.
Vakaraitaka e dua vei ira na tarovi oqo,o Dudley Toata,ni vakaraitaki vei ratou ni ratou na sega ni rawa ni vuka kevaka eratou sega ni cula ena i cula ni Covid-19.
Nasi mai Solomoni:PhotoCredit FB poto: Solomon Islands Ministry of Health
E vuna levu tiko qo na kena vakadeitraki e rua na lewenivanua ka rau sa vakadeitaki ni rau tauvi Covid-19 ena rara ni waqavuka e Port Vila ka rau pasidia mai ni waqavuka ka vuka mai New Caledonia,ka sa mani kacivaka kina na matanitu o Solomoni ni kevaka o gole yani vanua,e dodonu mo sa cula oti yani vakarua.
Era tarovi tale ga na gonevuli ni Solomoni ka dodonu me ra vodo tale ga ena waqavuka vata ya.
E sa na kena i balebale ni na via taura tale e dua na vula na nodra na waraka na nodra taura na i matai kei na i karua ni cula me ra qai rawa ni vuka,dina mada ga ni a sa dola me vuka na waqavuka na Air Vanuatu ena noa mai na Bauerfield Airport ki na Yatu Solomoni.
Vakarorogo tiko ga mai ena Vitifm 92fm,92.2fm,92.6fm
source:rnz
