TAURI TALE VAKAVESU NA TURAGA KA TAURI ILAVO VAKALAWAKI ENA M-PAISA.
Written by Maikeli Radua on October 11, 2023
Image: File Photo.
Sa mai tauri tale vakavesu na tagane ka dro mai ena ligadra na ovisa ena cala ka beitaki tiko kina, ni a tauri ilavo mai vakailawaki ena M-Paisa ena dua na Supermarket e Suva.
Era sa vesuka tale na turaga qo na ovisa ka vakau lesu tale mai Suva mena mai veilewaitaki kina.
Vakadeitaka na Assistant Commissioner ni ovisa o Livai Driu ni a dro mai na tagane yabaki 36 qo ena ligadratou na ovisa ena 1am ni Moniti sa oti ni oti ga nona qaravi vakavuniwai ka qai dro.
Vakadeitaka talega na ovisa ni sa vesu tale na tagane yabaki 36 ka cakacaka tiko vaka mechanic mai Viseisei Vuda ena mataka edai.
Na tagane qo e a qirita na Manidia ni dua na Supermarket e Nabua Suva ena macawa sa oti ka lasutaki ratou ni o koya edua na Senior Manager vei Vodafone ka dau qarava na kena upgrade taki na misini ni M-Paisa, ka kerei ratou ni se bera ni upgrade taki na misini M-Paisa me ratou vakauta kece yani vua na vo ni balance e tiko ena misini, ka qai vakau vua e rauta ni $8,900-00.
Kena i tukutuku matata vakarorogo tikoga mai ena VitiFM 92.2FM/92.6FM/92.0FM/92.4FM
