TAURI VAKAVESU E DUA NA MARAMA
Written by Mika Qalobula on November 27, 2022
Sa tauri tiko vakavesu mai veiratou na tabana ni ovisa e dua na marama ni oti na kena kilakasamitaki ni sa suasualaka e dua na tagane e na vanua e ratou a gunu ni yaqona ni vavalagi tiko kina.
Ea vakaraitaka na Chief Operations Officer (COO) Assistant Commissioner of Police (ACP) Abdul Khan,ni a yaco na veika oqo mai Kashmir,mai Lautoka ena mataka e nanoa,ka vakabauti ni a suasualaki koya na tagane oqo na marama yabaki 36 oqo,ena dua na i sele ni vale ni kuro.
E sa qaravi tiko vakavuniwai na Turaga oqo,ka se tomani tiko na nodratou veivaqaqai na Tabana ni Ovisa,ka ratou sa veivakasalataki tiko ena kena qarauni tiko na bula,ka vakauasivi na noda vakatulewa matau tiko na vakayagataki ni yaqona ni vavalagi,baleta ni na rawa ni vakavuna me yaco kina na veika vaka oqo.
VITIFM 92.2FM/92FM/92.6FM
VITIFM – E KAMICA QAI KACHI!!!!
Source – Fiji Police.
