TAURI VAKAVESU NA CAURAVOU KA LAURAI TIKO ENA I YALOYALO NI VEIVAKASAURARAWATAKI.
Written by Mika Qalobula on April 4, 2023
E ratou sa taura tiko vakavesu ena gauna oqo na Ovisa, na tagane ko a laurai tu ena dua nai yaloyalo ka wasei vakalevu sara ena mona livaliva ena nona vakasaurarataka tale tiko e dua na tabagone, ka a kilakasamitaki nia butakoca na nona talevoni.
Sa vakaraitaka na Komisina Vakatawa ni Ovisa, Juki Fong Chew, ni ratou sa dikeva tiko nai yaloyalo oqo na nodratou timi, ka ratou sa saga tiko me kunei o koya nai tabagone, koya a vakasaurarataki tiko enai yaloyalo oya.
Esa veivakauqeti tiko kina o koya ni sega ni dodonu meda vakayagataka na veivakasaurarataki me wali kina e dua na leqa ,ka sa kerekere tiko kina na tabana ni Ovisa kina vei liuliu ni matavuvale, na vei-tikotiko keina vei-matalotu, mera na veivuke ena kena wali na leqa vaka oqo.
VITIFM 92.2FM/92FM/92.6FM. – E KAMICA QAI KACHI!!!
I VUREVURE – FIJI VILLAGE.
