Tavite Waqailiti Kotobalavu-Marau ni mai lewena na Fiji Drua under 20.
Written by Atu Kurumudu on March 17, 2023
Nida rogoca na yaca na Waqailiti kei na Kotobalavu , na imatai ga ni ka ena votu mai noda vakanananu sai koya na qito rakavi. Ia , e sega saraga ni cala na vakanananu oqori.
De rairai o sa rogoca tiko beka na yaca oqo- Tavite Waqailiti Kotobalavu ena timi ni under 20 ni Fiji Drua.
Tavite na cauravou a sucu ka susu voli ga e Derrick Street , Raiwaqa ni bera ni gole me laki veitomani kei na nona i tubutubu turaga o Joeli Kotobalavu e dua ka qito talega ena timi ni Fiji Warriors ena dua na gauna.
Sa yabaki 15 o Tavite sa qai biuti Viti me laki vuli ka qito talega ena sotasota ni secondary kei na senior.
Dua na ka nona marau na cauravou oqo ena nona mai digitaki kina timi ni under 20 ni Fiji Drua ka sa solia kece kina nona dina kei na nona i-gu mena kauta mai na marau vei Viti kei na nona matavuvale.
Vakavinavinakataka talega na Kalou na cauravou oqo kei na veitokoni mai vale.
Tavite Kotobalavu e makubudrau na turaga ka vakarogoi Viti ena buturara ni qito rakavi o Aleposo Waqailiti kei na first five eight vakadomobula ni Marist St John’s club ena dua na gauna o Tavite Waqailiti.
Aleposo Waqailiti [maxi] Tavite Waqailiti [matau]
E ucui rau na tukana na cauravou oqo.
source:Salome Waqailiti/Vitifm
