TAVOCA O DR.BIMAN PRASAD NIKUA NA VULA NI KENA VAKANANUMI NA NATIONAL CHILDHOOD CANCER AWARENESS VEI RATOU NA WOWS KIDS FIJI
Written by Mika Qalobula on July 20, 2023
E a mai tavoca ena siga nikua nai vukevuke ni Prime Minister ni noda vanua,o Dr.Biman Prasad na vula ni kena vakananumi na National Childhood Cancer Awareness vei ratou na i soqosoqo ka ratou qaravi ira vakatabakidua na gone ka ra tauvi cancer ena noda viti,sai koya na WOWS KIDS FIJI,ka kena vula tiko sai koya na vula mai qo,o Okosita.
Nai soqosoqo oqo erau a vakaduria na veiwatini o Taholo Kami kei Sina Kami,ka rau cavutu mai Tonga Matanisiga,ka rau tauyavutaka me vukei ira na gone tauvi cancer mai vei ira se qai sucu me yacova sara na yabaki 18 ena noda Viti.
Oqo e salamuria na kerekere nona na luvedrau gone yalewa ka a mai leqa ni se qai yabaki 15 ena vuku ni mate na cancer,ka qai kerea vei rau na nona i tubutubu me rau vakaduria e dua nai soqosoqo me veivuke vei ira na gone tauvi cancer,ka rau sa cakava vakakina,ka sai koya na WOWS KIDS FIJI.
E na nona vosa tiko nikua o Sina Kami,e vakaraitaka ni soqosoqo lailai sara e rau cicivka tiko,ia,e raba i levu sara na nodratou veiqaravi ka kerea tiko kina na noda veivuke na lewe ni vanua ena vuku ni nodratou sasaga,ka vakauasivi kina matanitu, ena kena laurai e dua na tiki ni qele me tara kina e dua na nodratou Vale ni volavola(Resource Center),me rawa ni ratou taukena ga ka me taladrodro vinaka kina na nodratou veiqaravi vei ira na luveda tauvi cancer.
Ia,e vakaraitaka o Dr.Biman Prasad ni marautaka vakalevu nai tuvatuva sa tiko vei ratou na WOWS KIDS FIJI,ka sa tu vakarau na matanitu cokovata,me na veitokoni ena vuku ni sasaga bibi oqo.
VITIFM 922.2FM/92FM/92.6FM – E KAMICA QAI KACHI!!!
I VUREVURE – FIJI GOVERNMENT
Reader's opinions
Continue reading
