TEKIVUTAKI NA KENA DIKEVI NA VEIKA ME BALETA NA KABANI NA GRACE ROAD.
Written by Maria Solomone on February 28, 2023
Photo:Pacific Advoc
Esa vakadeitaka na Minister ni Curuvanua o Pio Tikoduadua ni sa biuvata e dua na timi mai na task force me ratou sa na raica tiko na veika me baleta na kabani na Grace Road, ka liutaka tiko na timi qo nai Vukevuke ni Prime Minister,o Manoa Kamikamica.
E tukuna talega na turaga Minister ni se tekivu sara tiko mai na veika me baleta na kabani na Grace Road ena yabaki 2016.
E kuria ni ratou na saga me ratou na kelia na veika me baleta na kabani oqo kei na kenai rogorogo me vaka ni ratou se tiko ena noda vanua.
E tukuna talega o Tikoduadua ni na gadreva me vakayacora vakadodonu na ka me baleti iratou, vakabibi ena kena vakamuri na lawa ni noda vanua.
Ivurevure:fijivillage.
