TOLU TALE ERA LEQA ENA LEPTOSPIROSIS
Written by Atu Kurumudu on March 3, 2022
Tolu tale na lewenivanua ka wili kina e dua na gone yabaki 8, eratou sa mai vakacegu ka vu mai ena mate na leptospirosis ka vakakina esa 567 taucoko na kisi vakadeitaki ena loma na 4 nai wasewase ena noda vanua.
Nai matai ni rivote e tauri vei ira e sa kacivi ka vu mai ena mate na leptospirosis oya e dua e yabaki 63 mai Nadi, e dua na yabaki 8 mai Navua kei na dua na yabaki 20 mai Taveuni.
Esa 23 na kedrai wiliwili o ira era sa vakacegu ka vu mai ena mate na leptospirosis ena yabaki oqo, 18 mai na yasayasa vakara, 2 ena wsasewase e loma kei na 3 mai na Vualiku.
E tauri rawa mai ena Tabana ni Bula, mai na yasayasa vakara e tiko kina e 236 na kisi kei na 42% mai Lautoka, 23% mai Nadi, 17% mai Ba, 9% e Tavua, 6% mai Ra kei na 3% mai Nadroga kei Navosa.
Ena wasewase e loma, e tauri tiko ni 193 kece na kisi e tauri rawa tiko kina vata kei na 42% qo e Suva, 22% mai Rewa, 13% mai Serua kei Namosi, 9% mai Tailevu, 8% qo e Nasinu kei na 6% mai Naitasiri.
E kuria na Tabana ni bula ni tauri rawa mai na Vualiku e 122 na kisi, 95% na kisi e tauri rawa mai Macuata, 2% mai Cakaudrove, kei na 1% e Taveuni
Ena wasewase ena Tokalau, 16 na kisi e tauri rawa mai Levuka kei Kadavu.
E vakadeitaka mai na Ministry ni Bula ni tiko na bibi ni kisi e ena loma ni yabaki 10 ki na 39 ni yabaki, ka levu nai wiliwili ni Turaga mai vei ira na marama ka vuqa ga vei ira oqo era Itaukei.
Na manumanu ni mate na leptospirosis e dewa rawa vua e dua na tamata tabu yani ka vu mai ena suasua kei na vakalailai ni manumanu koya era sa tauvimate tu me vaka na bulumakau, vuaka, kalavo kei na koli.
